Qimmit paarilluakkat takornarniaqarnermut pingaaruteqaqaat

Takornarniaqarneq qimminik paarsilluarnermut peqqutaasoq, Illoqqortoormiuni qimmilerisoq oqarpoq.

Dines Pikep, nuna inunngorfini ukiuni arlalinni qimassimareerlugu, siorna juullilersoq uterfigigaa. Qimuttoqarfiunngitsumi Narsameereerluni Illoqqoortoormiunut uternermini maluginiarpaa, qimmit assut kusatsissimasut.

-Qanittukkut aatsaat maanga uteqqinnikuugama ukiut sisamat affarlu aallaqqareerlunga. Uterninni maluginiakkama siulliit ilagaat qimmit – aamma uanga qimmeqarneq nuannarisuugakku – qimmit soorlu kusatsissimasutut nalilerusuppakka. Takujuminartut, qimmit salunngitsut meqqorissut, Dines Pike aallartippoq.

Paarsilluarnerulernermut pissutaasunut ilaasoriivippaa Illoqqortoormiuni ukiuni kingullerni takornariaqarnermik siuarsaaneq.

-Turistit amerliartorput aamma qimussiussisarneq maani atugaasorujussuanngornikuuvoq. Taakku pasinartittorujussuuakka turistit, Illoqqortoormiut teknikkimut immikkoortortaani qimmilerisoq oqarpoq.

Sinerissamit ulluni kingullerni tusartakkat qimminik paarsinerlunnermut tunngasut pillugit ima Dines Pike kaammattuerusuppoq.

- Qimmit uatsitulli kaattarmata, paarsilluarneq pisariaqartorujussuuvoq. Uanga qimmeqartarnikuugama muliginiartaqaara. Qimmikka nerisinngikkukkit uanga qaarsilaarnavianngilanga. Qimmeqarneq taama nuannaritiginikuuara.

Dines Pikep aamma oqaatigaa, illoqarfimminni qimmiutillillu suleqatigiilluarlutik, taamaattumillu qimminik kusanaatsunik maanna takusassaqanngitsoq.

Illoqqortoormiuni qimusserluni takornariartitsineq marsip aallaqqaataanit qaammatini pingasuni ingerlanneqartarpoq.