Qimmit ajunngitsut nassaaraat
Qimmit Illoqqortoormiunit 10-11 kilometerinik avasissusilimmi puttaamiittut ippassaq nassaarineqarput.
Qimmit piginnittaata umiatsianik marlunnik ilaqarluni qimmit tamarmik ajunngitsut angerlaassinnaasimagai, Evald Brønlund Illoqqortoormiuniit oqaluttuarpoq.
Sisamanngornerup tallimanngornerullu unnuaani anorersualeriataarmat, piniartut qimminik 100-t missaanniittunik sikumi sissamut qanittumi pitussimasunik annaassinialeruttortut qimmit saavigussaagaluarput.
Unnuakkut qimminik annaassinartoqartillugu qimmit 15-it taakku annaanneqanngitsooraluarput anorersuarmillu saavigussaallutik. Annaanneqarsinnaajunaartutullu naatsorsuunneqaleraluarlutik.
Qimmilli silarlussuaq anigorsinnaasimavaat.
- Qimmit tamarmik ajunngitsut tikiunneqarmata tamatta nuannaarutigeqaarput, Evald Brønlund nuannaaqaluni taama oqaluttuarpoq.
