Assi: Aqqalu Augustussen

QIMMIT NAPPAATAAT Qimmit 51-it toqunneqarput

Ilulissani qimmit nappaataat tuniluuttoq qimminit 51-it maannamut toqqutigaat. Uumasut nakorsaata, Sanne Eline Wennerbergip tamanna nalunaarutigaa. Taamalu tuniluutsigisoqalernera siornatigut takusimanngisaannarlugu taassuma oqaatigaa.

- Ilulissani qimminik aatsaat taama eqqugaasoqartigisoq takuvara. Ilungersunarpoq, qimminik akiuussutissiinissap tungaatigut qimmillit akornanni ilisimasassat puigorneqarsimasut takussuserneqartoq, Sanne Eline Wennerberg oqarpoq. 

Aamma atuaruk Pinngitsaaliissummik kapineqartalernissaat siunnersuutigineqalerpoq

Pissutsillu qanoq aqunniarneqarsinnaanersut nassuiaatigaa. 

- Qimminik angalaannartoqassanngilluinnarpoq, ingammik piaqqanik, qimmillu akiuussutissanik kapineqassapput. Taamaalilluta pissutsit aqussinnaalissavagut, Sanne Eline Wennerberg oqarpoq.

Ilulissanili qimmit akornanni pissutsit ilungersunarput. Pisinnaasoq ajornerpaaq uumasut nakorsaata  takorloorsinnaalluarpaa.

- Qimuttut annaaneqarnissaat ajornerpaatut takorloorsinnaavara. Kalaallit qimmii immikkuullarissuupput asseqaranilu, kalallillu kinaassusaanut pingaaruteqarluinnartuullutik. Annaassagutsigit alianarluinnassaaq, Sanne Eline Wennerberg oqarpoq.
 

Tulukkat uloriananngillat

Uumasut nakorsaat eqqissiallannarsinnaasumik Ilulissani qimmilinnut paasissutissaateqarpoq.

- Qimmit nappaataat tulukkanik siaruarneqarsinnaasoq tusatsiagaavoq. Tulugaq soorunalimi tunillaasinnaavoq, tulukkalli qimmeq attorneq-ajorpaa, taamaammat tulukkat annilaangatiginissaat pisariaqanngilaq, Sanne Eline Wennerberg oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat