Qimmeq perlerluni toquvoq
Politiit nersutillu nakorsaat amiilaarnartunik takusaqarput Ilulissani qimmiliviit ilaannut takkukkamik. Qimmit marluk erngerlugit toqunneqarput ataaserlu perlerluni toqoreersimavoq.
Politiit nersutit nakorsaat Sanne E. Wennerberg qimmilivimmut takusaaqatigisimavaat. Qimmit taakku pingasut nersutit nakorsaata sulliviani misissorneqarput tassanilu paasineqarpoq piffissami sivisujaami perlilertinneqarsimasut, Avannaani politiini vicepolitikommissær Niels Erik Nyvang Jensen taama nalunaarpoq.
Nersutit nakorsaata aamma quarsaarutigaa 2011-mi taama pisoqarsinnaammat.
- Qimmeqaraanni nammineq akisussaaffiuvoq qimmit ullut tamaasa nerisittarlugillu imertinnarnissaat aammalu ajunnginnerisa qulakkeernissaat. Akuersaarneqarsinnaanngilluinnarpoq 2011-mi qimminik perlertoqartarnera. Qimmiutillit kajumissaarusuppakka imminnut ikioqatigiittaqullugit - attavigisinnaavarmag nammineq qimmitit eqqaamiuppilluunniit qimmii pillugit ippigisaqaruit. Pingaaruteqarpormi kalaallit qimmiisa paarilluarneqarnissaat, Sanne E. Wennerberg oqarpoq.
Piginnittup qimminik naalliutsitsisimanini nassuerutigereerpaa aammalu 3.000 koruuninik akiliisitaalluni.
