Qiminneqarluni toqutaavoq
Toqutsisoqarsimatillugu misissuisartup arnaq 36-nik ukiulik novembarip ulluisa 30-anni Aasianni toqungasoq siumorneqartoq misissoreerlugu, assannik qiminneqarsimasoq paasivaa, taamatut Aasianni politeeqarfimmi pisortaq, Gerth Jakobsen nalunaarpoq.
Allattoq Mads Lynge
Toqutsisoqarsimatillugu misissuisartup nalunaarusiaa suli tigunngikkaluarlugu Aasianni politiit paasisatik tunngavigalugit angut 47-nik ukiulik, arnamik fisteqatiginnittartutut nalunnginneqartoq toqutsisimasutut unnerluussinnaanngorpaat.
Angut 47-nik ukiulik toqutsisimasutut nassuereeraluarluni eqqaamasaqaranili oqarmat nassuernera politiit atorsinnaanngilaat, Gerth Jakobsen oqarpoq.
Arnap meerai, qulinik 18-inillu ukiullit, toqutsineq sioqqullugu aataminni najugaqartut aataminniiginnarallassasut, Gerth Jakobsen oqarpoq.