Qimarngusuusimasoq isumaqarpoq, qimaasut ilinniarsimasut nunatsinnukarsinnaasasut

Ny Alliancimi siulittaasup Naser Khaderip Kalaallit Nunaannut qimaasunik nunassittoqarsinnaanissaanik siunnersuutiginiagaa, Irakimiit Danmarkimut qimaasuunikumit massakkullu Aasianni maskinmesteritut sulisumit qimaasunut ilinniagaqartunuussappat ajoriffissaqartinneqanngilaq.
novembarip 28-at 2007 16:04

- Hussein 46-nik ukioqarpoq. Ullumikkut Aasianni Nukissiorfimmi maskinmesteritut atorfeqarluni.

Hussein 1980-ikkut aallartittut politikki pissutigalugu Irakkimiit Danmarkimut qimaavoq. Hussein Danmarkimut pigama, maskinmesteritut ilinnialerpoq, ilinniarninilu naammassigamiuk qimaasutut allatut suliffissaaleqilerpoq.

Hussein 1997-imi Nukissiorfimmut suliffissarsiorpoq, qinnuteqaramilu ingerlaanaq, Tasiilami atorfinitsinneqarluni.

Hussein Kalaallit Nunaanni sulinini qanormi igaa?

- Kalaallit Nunaanni inuit ajunngitsorsuarmik pivaanga, kalaallit inuit pitsaasuupput qiimmasuullutillu, kalaallimmi kulturigaat inoqatiminnut ammasuuneq. Ataasiarlungaluunniit ammit qalipaataat tunngavigalugu assigiinngisinneqarsimanngilanga. Tusartarpara, qallunaat assigiinngisitsinermik misigisartut, uangali ataasiarlungaluuniit tamanna misigisimanngilara, Hussein naggasiivoq.

Husseinip ilanngullugu oqaatigaa qimaasut toqqaanartumik qimaasut inissiivianninngaaniit Kalaallit Nunaannukaanneqartassanngitsut, tassuunami oqaatit inooriaatsillu tungaasigut paatsooqatigiittoqarsinnaammat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq