Qimarnguimmut nutaamut saaffiginnittoqartalereersoq
Ikiorneqarnissamik saaffiginnissinnaaneq aggusitp aallaqqaataaniit ammaanneqarmalli kommuninit arlalinnit saaffiginnittoqartalereerpoq.
- Illernit aqqutigalugu siunertaavoq, ilaqutariit pitsaanerusumik inuuneqalernissaannut tapersersorniarlugit tunngavisseeqataanissaq. Meeqqallu toqqissisimanarnerusumik alliartornerisa pitsaasumik ineriartornerisa qulakkeerneqarnissaat, tamanna tunngavigalugu Naalakkersuisunit aalajangerneqarpoq Illernit pilersinneqarnissaa, Qimarnguiup Illernit pisortaa, Stina Mølgaard, taama oqarpoq.
AAMMA ATUARUK Arnanut persuttarneqarsimasunut meeqqanullu Qeqertarsuarmi inissaqarluarpoq
2005-miit 2010 tikillugu innuttaasunik misissuinerup takutippaa, nunatsinni arnat 62 procentii angerlarsimaffimminni aapparisaminnit nakuuserfigineqarlutik persuttartissimasut, kisitsisillu taakku takutiinnarpaat, qimarnguiit atorfissaqartinneqaqisut.
- Kommunit kissaateqarsimapput illumik qimarnguittut ittumik, kisianni sivisunerusumik ilaqutariit najugaqarsinnaanissaannik katsorsaanertalinnik, pilersitsisoqarnissaa. Ilaqutariit persuttagaannginnissamut inuuneqalernissaminnut kissaateqartut annersusumik tapersersorneqarnissaat pisariaqarmat, qimarnguiup pisortaa nassuiaavoq.
Ilaqutariinnut tamanut kingunipiluttarpoq
Pisortap Stina Mølgaardip naqissuserpaa, angerlarsimaffinni persuttaasarnerit arnanuinnaanngitsoq kingunipiluttarmat, aamma meeqqat eqqissiviilliortinneqartartut oqaatigaalugu.
Qeqertarsuarmi arnat meeqqallu qimarguissaat, Illernit, aggustip 23-ani pisortatigoortumik ammarneqassaaq. Ilaqutariit sisamat sivisunerpaamik ukioq ataaseq katsorsarneqarlutillu tapersersorneqarlutik qimarnguimmiissinnaapput.
