Qimarnguik Illernit pisortatigoortumik ammarneqarpoq

Qimarnguik katsorsaaviutigisoq arnanut meeralinnut, tarnimikkut/timimikkullu persuttarneqarsimasunut, nunaqqatiminniillu qimagukkallarnissamik pisariaqartitsisunut naatsorsuussaavoq. 

Illernit uiuleriiaanik tallimanik illuuteqarpoq, taakkunanilu ilaqutariit sisamat inissaqarput, illulu ataaseq allaffiullunilu katsorsaaviuvoq. 

Illumiittut katsorsarneqarnissaminnik neqeroorfigineqartarput, kiisalu siunersorneqartarlutik aqqutissiuunneqartarlutillu ilaqutariinnik sulliseriaaseq systemisk atorlugu.

AAMMA ATUARUK Nuna tamakkerlugu qimarnguik ”Illernit” ullumi pisortatigoortumik ammarneqassaa

Martha Lund Olsenip ammaanermi oqaaseqarnermini ilaatigut oqaatigivaa:

- Inuk annersarneqartoq inuttut pisinnaatitaaffimminik arsaarneqartarpoq, tamannalu inuup tutsuiginassusianik innarliineruvoq annertooq. Inuit annersarneqartartut annertuumik kingunerlutsitsisarput, tamatumani arnat kisimik pineqaratik aamma meerartaasut annersaanernik takusaqarnermikkut naalliutsinneqartarmata.

- Qimarnguik manna pikkorissunik sullissisoqarnissaminut aningaasaliiffigineqarsimavoq. Taakkuli aqqutissiuutissavaat arnat meeqqallu toqqissillutik inuunerminnik ingerlatitseqqissinnaanissaat.

Naalakkersuisut ingerlatsinermut immikkut aningaasaliissuteqarsimapput, taamaasilluni ilaqutariinnut ulloq unnuarlu akiliut 850 kr.-neqarsinnaasunngortissimallugu.