Nuna tamakkerlugu qimarnguik ”Illernit” ullumi pisortatigoortumik ammarneqassaaq
Nuna tamakkerlugu arnanut qimarnguit ”Illernit” Ilaqutariinnermut, Naligiissitaanermut Isumaginnermullu Naalakkersuisup Martha Lund Olsenip ullumi februaarip 24-ani pisortatigoortumik ammassavaa.
![](/sites/default/files/styles/image_934x467/public/article_images/qeqertarsuaq_skarvefjeld_foto_lodovic_hirlimann_flickr.jpg?itok=jqzzpdXE)
Allattoq Simon Uldum -
Nuna tamakkerlugu qimarnguik ”Illernit” Qeqertarsuarmiippoq 2014-illu naanerani atorneqalerluni.
Qimarnguik katsorsaaviutigisoq arnanut meeralinnut, tarnimikkut/timimikkullu persuttarneqarsimasunut, nunaqqatiminniillu qimagukkallarnissamik pisariaqartitsisunut naatsorsuussaavoq.
Illernit uiuleriiaanik tallimanik illuuteqarpoq, taakkunanilu ilaqutariit sisamat inissaqarput, illulu ataaseq allaffiullunilu katsorsaaviuvoq.
Illumiittut katsorsarneqarnissaminnik neqeroorfigineqartarput, kiisalu siunersorneqartarlutik aqqutissiuunneqartarlutillu ilaqutariinnik sulliseriaaseq systemisk atorlugu.