Qimarnguiit pisariaqartinneqarluinnarput

Regine Enoksen oqarpoq, 1980-ikkunili qimarnguiit pilersinneqarmatali kisitsisit appariartarlutillullu amerleriartartut, tassuunatigullu takuneqarsinnaavoq, Qimarnguiit ullutsinni pisariaqartinneqarnerat qanoq annertutigisoq Regine Enoksen oqarpoq. Kalaallit Nunaanni qimarnguiit ukiumut qimarngusunit 1000-init atorneqartarput, ilaannikkullu ikinnerulaartarlutik. Nunanut allanut sanilliukkaanni Kalaallit Nunaanni qimarnguiit atorneqarnerat annertoorujussuuvoq Qimarnguiit peqatigiiffiisa Kattuffianni siulittaasoq oqarpoq. Kalaallit Nunaanni illoqarfiit tamarmik qimarngueqalernissaat kattuffimmit anguniarneqarpoq. Narsami Qaqortumi Paamiuni Sisimiuni Aasianni Ilulissanilu qimarnguiit, Qimarnguiit Kattuffiannut ilaasortaapput. Nuummi qimarnguik kommuunimit ingerlanneqarmat kattuffimmut ilaasortaanngilaq.