Qimagussorneqarsimasut ilaat uteqqissinnaanngortut
Niaqornarmiut angerlarsinnaalertut, Kalaallit Nunaanni Politiit nalunaarutigaat, tamanna naliliisoqareersorlu pivoq.
Nunaqarfinni Niaqornani, Saattuni, Ukkusissani, Ikerasammi, Qaarsumili aamma Uummannami innuttaasut naviarnartorsiorsinnaanerannik naliliisimaneq atuukkunnaartoq, politiit nalunaarutigaat.
Qaasuitsup Kommunia aamma Namminersorlutik Oqartussat ataatsimoorlutik matumuuna nalunaarutigaat, taamatut nalunaaruteqartoqarnerata kingorna Niaqornani innuttaasut qimarngusimaneqarnissaat pisariaqarunnaartoq.
Taamaattorli Illorsuarni aamma Nuugaatsiami innuttaasut nunaqarfimminnit qimarngusimaneqarnerat suli atuutsiinneqarpoq, tamatumunnga pissutaavoq qaqqamiit qaarsortamik sisooqqittoqassagaluarpat nunaqarfinni taakkunani innuttaasut isumannaatsumiinnissaat qulakkeerneqarusummat, Naalakkersuisut taama nalunaaruteqarput.
AAMMA ATUARUK Nunaqarfiit tallimat ulorianartorsiorunnaartut
AAMMA ATUARUK Qaqqap qaartinneqarnissaa isumassarsiatsialaanngitsoq
Politiit ilanngullugu nalunaarutigaat Uummannami napparsimmavimmi sulineq sapinngisamik piaarnerpaamik nalinginnaasumik ingerlaqqilissasoq.
Kommunimit aamma Namminersorlutik Oqartussanit toqqissiallaatigineqarpoq Uummami nunaqarfinnilu qimarngussuiffiusimanngitsuniittut navianartorsiorsinnaasutut isigineqarunnaarmata.
Kommuni Namminersorlutillu Oqartussat peqatigiillutik maanna misissuilerput, Niaqornani innuttaasut tassanilu najugaqarlutik pisortani sulisut angerlaassorneqarnissaat qanoq aaqqissuunneqarsinnaassanersoq. Matumanilu innuttaasut pineqartut, suliffeqarfiillu toqqaannartumik attavigineqartarumaarput.
AAMMA ATUARUK 7 millionit koruunit sinnerlugit maanna katersorneqarsimalerput
