Qimaasutut akuerineqaqqusoq Kalaallit Nunaanni siulleq

Illoqqortoormiuni Juullikkunni immikkut illuinnartumik aamma pisoqarsimagujoq! Qimaasutut akuerineqarnissamik qinnuteqaammik Illoqqoqqortoormiuni Politiit tigusaqarsimapput.
decembarip 26-at 2007 17:28

Politeeqarfimmi Juullip ulluata Aappaanni pigaartuusoq, Michael Poulsen, Radioavisimut unnumanna oqarpoq, armeniamiu 40-nik ukiulik Juullikkunni tigummigallagaasimasoq, taannagooq qimaasutut akuerineqarnissaminik qinnuteqarsimavoq.

-Angut taanna Islandikkoorluni Illoqqortoormiunut tikissimavoq, vicepolitikommissær oqaluttuarpoq.

-Allatut iliuusissaqannginnatta angut tigummigallarparput.

40-nik ukiulik killisiorneqareerpoq, Danmarkimilu Københavnip avannaatungaanni qimaasut najugaqarfianni, Sandholmimi, oqartussaasut qanoq iliornissatsinnik paasititsinissaat maanna utaqqiinnarparput, angummi tassunga utertariaqarmat.

-Inatsimmimi allassimavoq, Danmarkimi qimaasutut akuerineqarnissani angutip utaqqisariaqaraa, Michael Poulsen Illoqqortoormiut politeeqarfianni pigaartuusoq oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq