Qilammiit allagarsisut
Amerikami qilammiit juullimi pilluaqqussutinik allagarsisoqarsimavoq. Amerikamiup 88-nik ukioqarluni toqusup Chet Fitchsiugaluup ilaqutai kammalaataalu assut tupaallassimapput Chet Fitchiugaluamit qaammatit marluk sioqqullugit toqoreersumit juullimi pilluaqqussutinik allagarserrassimagamik.
Allakkat 34-t ”Qilammeersutut” nalunaaqutsersimasut ilaqutariinnut ikinngutinullu takkussorsimapput.
Allakkanilu ima allassimavoq:
`Ittorput aperaara juullimi pilluaqqusisinnaanersunga itigarteqqaaraluarpaanga, naggataagut akuersivoq oqarluni: ”Ajunngilarmi qilaap pisuussutaanik taamaaliorniarit kisianni piniinnarniaqinak”
Oktobarimi toqoreersoq nangilluni allassimavoq qilammiilluni qanoq nuannertigisoq, oqaatsinngooq inugaannik nassuiarneqarsinnaarpianngilaq.
Kisianniliuna Chet uumagallarami nuannersuusimasoq, toqunngikkallaramilu ukiorpassuarni nujalerisuni isumaqatigiissuteqarfigisimavaa, toqoreeruni ilaquttani kammalaatinilu juullimi pilluaqqussutinik qilammeersuusaartillugit allaffigisinnaanerai.
