Qilalugartasseeqqinnissamik qinnuteqaatit qisuariarfigineqanngillat

-Ullumi apriilip ulluisa aqqarnanngi qaammatit pingasut sinnerpai, qilalugartasseeqqinneqarnissamik qinnuteqaatit Naalakkersuisunut anngukkatsigik, tamatumalu kingorna qalleqqissartuarlugu apuussiuarsimagaluarluta kinguneqanngitsumik. Uummannap kommuneqarfiani, nunaqarfimmi Niaqornani, aalisartut piniartullu peqatigiiffianni siulittaasoq, Karl Kristian Kruse, Aalisarnermut Piniarnermullu Naalakkersuisumut, Finn Karlsenimut, ammasumik taama ilaatigut allagaqarpoq.

Karl Kristian Krusep erseqqissaatigaa qaammatini kingullerni pingasuni qilalugarpassuarnik takusoqartartoq.

- Akuerisinnaanngilara Naalakkersuisunut qinnuteqaraangatta qaammammiit qaammammut utaqqigaluarluni qanoq iliuuseqartoqarsinnaanngitsoq. Taamaattumik Naalakkersuisut angisuumik sumiginnaapput, tassami piniartut januaarimili maannamut qilalukkanik isiginnaaginnarlutik qanorujussuaq annaasaqarput, Karl Kristian Kruse allappoq.

Taamaattumik Niaqornani KNAPP-p siulittaasua Naalakkersuisunut aperaaq qaqugu aalajangerniarnersut.