Qilalugartassat nalunaarutigineqarnissaat kinguaattoorpoq
Kommunit ataasiakkaarlutik qassinik qilalugartassaqassanersut juulip aallaqqaataani nalunaarutigineqartussaagaluarput. Naalakkersuisoqarfimmiilli Arfanniarneq pillugu Ataatsimiititaliarsuarmi ataatsimiinneq pissutigalugu nalunaarutissat kinguartoorput.
Naalakkersuisoqarfimmi pisortaq, Amalie Jessen Radioaviisimut oqarpoq, qilalugartassat juulip qaammataata ingerlanerani nalunaarutigineqarsinnaanerat naatsorsuutiginerarpaa, ullulersinnaanaguli.
- Qilalugartassat pillugit kommuninut tusarniaanermit akissutit suli utaqqivagut, kingusinnerpaamillu juulip ulluisa aqqarngannut akissuteqarnissaq killeqarpoq. Amalie Jessen erseqqissaavoq.
Naalakkersuisut kommuninut tamanut qilalukkanik qernertanik 300-nik qaqortanillu 165-inik siorna pisassiipput, aamma taamani kommuninut agguaanneqarnerat kingusinaarluni nalunaarutigineqarpoq. 2007-mi juulip ulluisa 23-anni qilalugartassiissutit nalunaarutigineqarput.