Qilalugartassat ikilineqarput
Ukioq manna juulip aallaqqaataaniit aappaagu 2006-mi junip 30-iata tungaanut qilalugartassiissutissanik Naalakkersuisut aalajangersaaqqammerput.
Tassa ukioq manna juulip aallaqqaataaniit aappaagu juunip 30-it tikillugu qilalukkat qaqortat
220-it pisassiissutigineqarput, taakku saniatigut qilalukkat qernertat 260-it aamma pisassiisstigineqarlutik.
Qilalugartassiissutit pisassiissutinut siuliinut naleqqiullutik ikinnerupput. Siorna 2004-mi Kitaani tamakkiisumik qilalukkat qernertat 300-t aamma qilalukkat qaqortat 320-t pisassiissutigineqarput.
Qilagartassiissutissatut aalajangiunneqartut pillugit tusarniaassut KNAPK-mut Kanukoka-mut kiisalu tapertaralugu piniartartut peqatigiiffiannut TPAK-mut septembarip aappaanni nassiunneqareersoq, kiisalu tusarniaassummut akissuteqarnissaq septembarip qulingiluaannut killeqartoq, piniarnermut aalisarnermullu pisortaqarfiup pisortaa Amalia Jessen ilisimatitsivoq.
Ukioq manna juulip aallaqqaataaniit aappaagu juunip naaneranut pisassiissutit qanoq agguataarneqarnissaat tusarniaassutigineqartoq Amalie Jessen erseqqissaavoq.
