Qilalugartassat aggustimi aalajangiiffigineqassapput
Qaanaap Kommuneanut ukioq manna qilalugartassiissutit inaarutaasumik suli aalajangiiffigineqarsimanngillat.
Tamanna pissutigalugu Qaanaap Kommuneanut qilalugartassiissutit amerlineqarnissaannik Qaanaap Kommuneanit piumasaqaat naammassineqarsinnaanngitsoq, Aalisarnermut, Piniarnermullu pisortaqarfimmi allaffimmi pisortaq Ole Heinrich oqarpoq:
- Qaanaami siornatigut pisaasarsimasut tunngavigalugit killilersuisoqarpoq, killilersuinerullu aallartinnginnerani pisaasartunit amerlanerussanngitsut aalajangerneqarpoq, Ole Heinrich oqarpoq.
Qaanaap Kommuneanut qilalugartassiissutit tamakkiisumik pisarineqarsinnaasimanngimmata pisassat killilersorneqarsimasut Ole Heinrich-ip aamma oqaatigaa:
- Qaanaap Kommuneanut pisassiissutit siorna tamakkerneqarsinnaasimanngillat. Siorna pisassiissutit qummut 100-nut killeqarput, tamakkerneqarnissaallu ajornartorsiutigineqarsimavoq, Ole Heinrich oqarpoq.