Qilalugaq inorroortoq tusaruk

Imaani uumasunik miluumasunik uumasuusivissuarmi The National Marine Mammal Foundation-imi USA-miittumi ukiorpassuit matuma siorna aarluarsuit qilalukkallu immikkoortortaqarfittaaniit inuit marluk nipikitsuliorlutik oqaluppaluttut sulisutaliortugarisarsimagaat oqaluttuarineqartaannarpoq.
Allattoq Jette Andersen, Knud Reimer
oktobarip 24-at 2012 11:03

Aatsaalli 1984-iugaa aqqartartoq aarluaarsuusivimmi qilalugaasivimmilu sulisoq qaqinasuariarluni ima aperimmat: Kiaana qaqeqqullunga suaartaraanga? Uumasuutit inuttut nipiliortarsinnaaneri aatsaat pasitsaanneqalerpoq.

Ilisimatuullumi immap iluani nipisiuillutik misissuimmata pileriallaraat qilalugaq qaqortaq piaraq Noc taamatut oqaluartartuusoq.

Noc-illumi oqaluartarnera sukumiisumik misissugarineqareermat paasisat ilisimatuussutsimik tunngasunik atuagassiami Current Biology-mi allaaserineqarput, nipillu uagutsinnut ilisarnapajussinnaasut qilalukkap naliginnarmik nipigisartagaaniit qilalugaaqqap Noc-ip nipaa qatitunerusuusoq allaaserineqarluni.

Noc-ilumi ilisimatuunit peqquneqaraangami oqaluarsinnaanngornera atorluarneqarsimaqaaq, misissorneqarluarmallu nipit pinngortartut qilalukkap qaavani tinupanersameersuusut paasineqarpoq.

Linki ataaniittoq toorlugu qilalukkap nipaa tusarsinnaavat immaqa oqaluarnera paasisinnaaruttorlugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq