Qilalugaq "illugiilik"
Qilalukkat qernertat illugiinnik tuugaallit pisarineqartarneri qaqutigoortuupput, maanilu Kangersuatsiami qilalukkamik "Illugiilimmik" pisaqartoqarsimanersoq eqqaamannittoqanngilaq, taama Kangersuatsiami niuertoq nalunaarpoq.
Allattoq Najaaraq Egede
Qilalukkat qernertat illugiinnik tuugaallit pisarineqartarneri qaqutigoortuupput, maanilu Kangersuatsiami qilalukkamik "Illugiilimmik" pisaqartoqarsimanersoq eqqaamannittoqanngilaq, taama Kangersuatsiami niuertoq nalunaarpoq.
Arfininngornermi maajip ulluisa 12-ani piniartut aalisartullu ilaat Aron Kristiansen Illugiilimmik qilaluarsimalluni tikimmat nunaqqataasunit alutorsaatigineqarluartoq, niuertoq oqarpoq.
Kangersuatsiami Pilersuisumi niuertup Nikolaj Svendsenip tuugaat illugiit kusanaqisut 2 meter-it missaanni takissuseqarnerarpai.