Qilaatersortartoq Anda Kuitse toquvoq
Ilaqutaasut tamanna KNR-imut oqaluttuaraat.
Anda Kuitsep ilisarisimalluagaata - isiginaartitsisartup aamma siornatigut nunatsinni isiginnaartitsisartunngorniarfimmi pisortaasimasup Varste Mathæussenip ikinngutigilluakkani ima oqaluttuaraa:
- Anda Kuitse inoqatiminut asannittuuvoq ataqqinituullunilu aamma qimaasuuvoq ilagiumiunartoq ilagitillu pissarsinartuaannartoq, Varste oqarpoq.
AAMMA ATUARUK Skuespillerelever lærer trommedans
Varste Mathæussenip uiginikuusanilu Anders Bentsson 1994-mi ukiup affaa Kulusummiinnermi qilaatersornermik uaajeertarnermillu Anda Kuitse ilinniartitsisoraat
Varste oqaluttuarpoq Anda Kuitseq qilaasortarnera angajoqqaaminit kingornussarigaa,
- Anda qilaatersortarpoq Andap angajoqqaavi Wilhelm Kuitse aamma Miilikka Kuitsep qilaatersortartuummata.
Anda Kuitsep qilaatersortarnera immikkut illuinnartuusoq Varste oqarpoq
- Andap qilaatersortarnini aammigu pigivaa, inuit ilaat aammikkut pigissaqartaramik, inuilli ilaat timikkut taamaallaat pigisaqartaramik, kisianni uanga oqaatigisariaqara, Anda aamigut anersaakkut timikkullu taamasa pigimmagit, aamma taamaanera kialluunniit takusinnaavaa, Andamik takunnissimasumik, Varste Mathæussen taama oqarpoq.
- Qilaatersortanerit Anda Kuitsep angajoqqaaminit ilikkakkani allanngortinngiivillugit ingerlateqqissimavai, aamma oqaluttuarineqarpoq oqaluttuat allanngortinngiivillugit oqaluttuareqqissinnaavai, Varste Mathæussen taama oqaluttuarpoq.
Anda Kuitsep qilaatersonermik piginnaasani ingerlateqqissimagai, Varste Mathæussen isumaqarpoq, kisianni kulturikkut annertoorujussuarmik annaasaqartugut oqaatigisinnaallugu Varste oqarpoq.
Anda Kuitse nuleerneruvoq qimatarai meeqqani qulit.
Ilisaanissa kingusinnerusukkut nalunaarutigineqarmaartoq ilaqutaasut ilisimatitsipput.