Ulluni makkunani qilaatersorluni inngerneq Nuummi Katuami pikkorissaassutigineqarpoq.
Qilaatersornermik ilitsersuisuupput Pouline Lumholdt aamma Pamyua-ni erinarsortartoq qitittartorlu Alaskami najugalik Karina Møller.
- Pouline Lumholdtip meeqqat Didap qitittartui katillugit 17-isut qilaatersornermik ilinniartippai. Karina Møllerillu inuusuttuaqqanut 14-iniit 15-inut ukiulinnut yupit qiteriaasiat ilasseqatigiinnermik taallugu ilitsersuussutigaa, aaqqissuisoq Bendo Smidt unnersiorpoq.
Qilaatersorlutik inngertut qitittullu arfininngorpat Katuami inersuaq Hans Lynge-mi nalunaaqutaq pingasunut takutitsissapput.