Assi: Googlemaps

Qikigtarjuaq "Issittumi Singaporeeqqatut"-ilerusuttoq

Qeqertaalummi illoqarfeeraq Qikigtarjuaq, kalaallisut Qeqertarsuaq "Issittumi Singaporeeqqatut" ilerusuppoq.

Qeqertarsuarmiut Canadami naalagaaffeqatigiinni naalakkersuisunik Nunavummilu naalakkersuisunik sunniiniarlutik itisuumik umiarsualiveqalernissamik ukiorpassuarni sulissutigaat, tamannali iluatsissimanngilaq.

Tamannalu pissutigalugu Qeqertaalummi illoqarfeerarmiut oqartussaasuisa Kangianut isiginialerput, pingaartumik kinamiut eqqarsaatigalugit. Sullualuk nunarsuup silaannaata kissatsikkiartornera ilutigalugu ammariartuinnartillugu, aningaasalersuisartut nunani tamalaaneersut aaqqiissutaasinnaanerat periarfissaasinnaasoq oqaatigaat:

- Piviusunngortitsinissamik kissaateqarnerput pimoorupparput, Qeqertarsuarmi aningaasaqarnermut immikkoortortaqarfimmi pisortaq, Arthur Nicomedes, taama oqarpoq.

- Qeqertarsuup pilersaarusiornermut tunngatillugu inissisimanera pitsaalluinnarpoq alianaatsorsuulluni. Taamaammat taasarpara "Issittup Singaporeeraa", pisortaq oqarpoq.

Qeqertarsuarmi itisuumik umiarsualiveqalernissamik eqqarsaatit 1950-ikkunni saqqummiunneqaqqaarput. Taamanimi Canadap avannarpasinnerusuani radariliisoqarnissaa pilersaarutigineqarpoq taamaattumillu itisuumik umiarsualiveqalernissaq eqqartorneqarluni, CBC North nittartakkamini taama allaaserisaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat