Qiimasuuneq uummammut iluaqutaavoq
Ilisimatusartut inuit misileraaffigineqartut arlallit ukiuni qulini malinnaaffigaat, uummatimikkullu ajornartorsiuteqarneri nalunaarsugaralugit.
Misiligutitut malinnaaffigineqartut qiimmassusaat aamma misissuiffigineqarpoq. Taakkua immikkoortunut marlunnut avinneqarput: eqimattami siullermiillutik misigissutsinik pitsaasunik pingaartitsisut, soorlu inuunermik nuannarinnittut, naammagisimaarinnittut nuannaarutiginnissinnaanermillu pigisaqartut, eqimattat aappaaniillutik pitsaanngitsunik misigissusillit, soorlu nikalloqqajaasut, annilaanngateqartut imaluunniit avatangiisiminnut akeqqersimaartut.
Tamatumuunakkut paasinarsivoq, misissuinermi peqataasut pitsaanngitsunik misigissusillit uummatimikkut nappaateqaleqqajaanerusartut. Misissuinermi peqataasut inuunermik isiginninnerat pitsanngoriartortillugu uummatimikkut nappaateqalertarnerat akuttortikkiartuinnartarpoq.
Annikinnerusumik pitsaanngitsunik misigissuseqarneq imaluunniit akuttusuumik nikalloqqajaasarneq, inunnut pitsaasumik isiginnittaaseqartunut annerusumik sunniuteqarneq ajorput. DR-ip nittartagaani taama allaaserinnittoqarpoq.
