Qiianaraluarluni nuanneqaaq

Peqataasut 22-it paarlakaajaallutik sikkilertarlutillu arpattarput timersortartut pikkorinnerit pillugit suliniaqatigiiffik Elite Sport Greenland unammisitsimmat taaguuserlugu Bike & Run. Angusat aakkit.
Allattoq Noah Mølgaard
septembarip 21-at 2011 11:02

Ingerlaarfik 15 kilometerinik isorartussusilik atorneqarpoq peqataasut paarlakaajaallutik arpattarlutillu sikkilermata. Iligiit tamarmik marlunnik inuttaqarput ilimagisaasullu ajugaapput.

Arnani ajugaasuupput Team 80 tassaasut Maria Grødem aamma Aviaaja Karlshøj Poulsen 1.25,39 tiimit atorsimallugit.

Angutini ajugaasuupput Team Pikkori tassaasut Kim Godtfredsen aamma Morten Jørgen Heilmann 1.05,27 tiimi ingerlaarsimasut, kiisalu arnat angutillu akuleriinnerani ajugaasuullutik Team McGill tassaasut Flemming Enequist aamma Hanne Nielsen 1.26,18 tiimini ingerlaarsimasut.

- Siullerpaamik Elite Sport Greenlandip unammisitsissutigaa Bike & Run peqataasullu tamarmik apuulluarput. Unammineq iluatsilluarpoq peqataasullu tullissaanut qilanaalereerput, Elite Sport Greenlandimi allaffimmi pisortaq Lauritz Heilmann oqarpoq.

Unammineq ingerlanneqarmat qiianartukasiuvoq naak seqinneraluartoq. Anorili nilleraluaq peqataasut unammineq naammassilluarpaat.

Linki ataaniittoq toorlugu angusat tamakkiisut takusinnaavatit.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk