Qeqqata kommuniani utoqqaat uukapaatinneqarlutik tillinniarfigineqartut
Angut 52-inik ukioqartoq Qeqqata Kommuniani utoqqaat sumik isumaqanngitsut aningaasaataannik tillissimasutut unnerluutigineqarpoq.
Allattoq mlk, Simon Uldum
Angut taanna Qeqqata Kommuniani eqqartuussivimmi inatsit tunngaviusoq naapertorlugu killisiorneqareerluni ulluni 28-ni tigummigallagassanngortinneqarpoq.
Angutip kommuniminngaanneertuusaarluni utoqqaat atugaannik misissuinerarluni utoqqaat pulaartarsimavai. Pulaarnermini aningaasanik akiliutinillu tallimariarluni tillissimasoq, Qeqqata politiivi nalunaarutigaat. Angut politiinik ilisarisimaneqareerpoq.