Qeqertarsuup Tunuani ukiormanna qaleralinniarneq unittussanngorpoq
Aqutsiveqarfimmi Qeqertarsuup Tunuani qaleralinniarneq pingasunngornermi decembarip ulluisa tallimaani unissaaq. Sinerissap qanittuani umiatsiaaqqanut meterit arfinillit inorlugit takissusilinnut ukioq manna pisassiissutaasut maanna nungunneqarsimalerput. Tamannalu pissutigalugu Qeqertarsuup Tunuani qaleralinniat pingasunngorpat naggammik tunisisinnaassapput.
Allattoq Peter Troelsen, Simon Uldum
Angallatinut meterit arfinillit qaangerlugit takissusilinnut pisassiissutit suli sinneqalaarput. Upernavimmi 153 tonsit, Uummannami pisassiissutit sinneruttut 247 tonsiupput Qeqertarsuullu Tunuani umiatsiaararsortut ukiormanna sapaatit akunneri kingulliit sisamat atorlugit qalerallit 455 tonsit pisarisinnaallugit.