Qeqertarsuup Tunua sikusorsuuvoq
Disko Line pilersaaruteqaraluarpoq ulluni tallimanngornermiit sapaat ilanngullugu, tassa januaarip sisamaannit arfernannut Qeqertarsuup Tunuani sumiiffinni assigiinngitsuni inunnik angallassiniarluni. Maannali tamanna pisinnaajunnaartutut oqaatigisariaqaleritsik, Ole Dorph, Disko Linemi pisortaq oqarpoq.
Ulluni 4. januaari, 5. januaari kiisalu 6. januaari 2008 Disko Line-mut bilitsinik inniminniinikuugaluartut Disko Line-p allaffianut saaffiginneqquneqarput, bilitsitik utertinniassammatigik.
- Pisoq ajuusaarutigaarput, kisiannili silap ulluni makkunani issinnerujussua allanngortissinnaanngilarput. Neriuppugut imaatigut angalasussaagaluartut timmisartutigut angalanissaminnik iluatsitsiumaartut, Ole Dorph nalunaarpoq.