Qeqertarsuatsiaani nanorsiorput
- Aappara illooqqanilu unnuaq bundgarninik amuartillutik eqqumiitsumik nipisisimapput. Taava takulersimavaat nannut marluk arnaviaq piararlu, Inniki-Kirstine Johnsen taama oqaluttuarpoq angajoqqaani ilagalugit nanorsiortunut ullumi ullaap tungaa akuujartulivilluni.
UIlaap tungaa nannut nunaqarfimmut ungasigunnaarsimapput umiatsiaaqqallu qulit missaanniittut malerusaarpaat taamalu nersutit taakku qaqutigoortumik takuneqartartut qanimut inuppaalunnit isiginnaarneqarlutik.
Sapaatip akunnera kingulleq taamatut Paamiuni pisoqarpoq suleqatigiinnikkulli nannut ungoorlugit illoqarfimmit ungasillisippaat.
Nannut Inniki-Kirstine Johnsenip oqaluttuarnera malillugu avannamut ingerlaarput, imaassinnaavoq sapaatip akunnera missaliorlugu qaangiuppat Nuummut annguterataannaapput.