Politiit ullormut nalunaarutaat: Qeqertarsuatsiaani innuttaasut 30-t qimagussortinneqartut
Qeqertarsuatsiaani ippassaq anorersuarnera pissutigalugu inuit 30-t katersortarfimmut qimagussortinneqarput, illullu sisamat anorersuarneranit ajoquserneqarlutik, Kalaallit Nunaanni Politiini pigaartut pisortaat oqarpoq.
Nunaqarfimmi Qeqertarsuatsiaani pingasunngornermi ualikkut anorersuarnera pissutigalugu inuit 30-t qimagussortinneqarput.
Allattoq Nicole Sander Bertelsen
januaarip 30-at 2025 10:06
Nutserisoq Connie Fontain
Qeqertarsuatsiaani inuit 30-t nunaqarfimmi qatserisartunit katersortarfimmut pingasunngornermi ualikkut qimagussorneqartariaqarsimapput.
Qimagussuineq anorersuarneranik pissuteqartoq, illullu sisamat ajoquserneqarsimasut, Kalaallit Nunaanni Politiini pigaartut pisortaat, Jeppe Andsager oqarpoq.
- Illunit marluk pisoqaallutillu inoqanngillat, inunnillu ajoqusertoqarani, taanna oqarpoq.
Illulli qaliaat teqqaasimasut, pigaartut pisortaata oqaatigaa. Tamatuma saniatigut nunaqarfiup affaa anorersuarnerup kingunerisaanik innaallagiaqanngilaq.
Nunaqarfilli maanna sarfaneqqissimassasoq, Jeppe Ansager oqarpoq.
