Qeqertarsuup kommunea kommunerujussuarmut sorlermut suleqateqassanerluni kommunalbestyrelse-mi ippassaq immikkut ittumik ataatsimiinnerminni aalajangerpaat.
Qeqertarsuarmili innuttaasut allagarsiinikkut nalunaarfigineqareerpata aatsaat tusagassiuutinut nalunaarutiginiaritsik Qeqertarsuup kommuneani borgmesterip tulliata aappaata Bea Andersen Broberg-ip radioavisimut oqaatigaa.
Illoqarfinni Qaanaami Kangaatsiamilu kommunalbestyrelse-t ullumikkut ataatsimiipputtaaq, naatsersuutigineqarporlu ataatsimiinerit naammasseriarpata kommunerujussuarnut sorlernut suleqateqarnissartik aalajangersimassagaat. Ullut aqqaneq marluk qaangiutsinnagit kommunit tamarmik aalajagereersimasussaavaat kommunerujussuarnut sorlernut atalissanerlutik.