VIDEO Qeqertarsuaq ivigaaraasanik arsaattarfittaalersoq

Qeqertarsuarmiu kilisaataatilik, Polar Seafoodimilu piginneqataasoq Jens Salling, arsaattarfiliornissamut 3 million koruuninik aningaasaliivoq, qeqertarsuarmilu periarfissamik ammaassilluni.

Aamma takujuk Qeqertarsuaq ivigaasaaqqanik arsaattarfittaalersoq

- Ivigaaqqanik arsaattarfik qeqertarsuup arsaattarfia eqqarsaatigigaanni, taassumap angeqqataa arsaattarfik pissarsiarisinnaavarput, Jens Mølgard oqarpoq.

Arsaattarfissaq pilersinniarnerani suleqatigiit arsaattarfissap akissaa siulliullugu misissorpaat:

- Arsaaffitta maani angeqqataa suliarineqassaguni 1,8 millioninik akeqarnissaa taggissimavaa. Tassa imaappoq, ungalulerlugu qullersuillu ilanngutereerlugit, Jens Mølgård oqarpoq.

Arsaattarfissap Qeqertarsuarmut assartorneqarnissaanut aningaasat sinneruttut atorneqassapput. Arsaattarfissarlu illoqarfiup avannaatungaanut inissinneqassaaq maannakkut arsaattarfiusoq qalliinnarnagu, taamaattumik arsaattarfissap pilersinneqarnissaanut inissisimaffissaata manissarnissaanut aningaasaliisussanik suli suleqatigiit ujartuipput:

- Qaarsumiinnissaa kissaatigineqarsimavoq. Taamaattumik arsaattarfipput qalliinnarneqarsinnaanngilaq, arsaattarfigisarpullu atorunnaarnavianngilaq atortuaannassavarput, Qeqertarsuarmi arsaattarfiliortoqarnissaannik suleqatigiinni siulittaasoq, Jens Mølgård taama oqarpoq.

Qeqertarsuarmi ivigaasanik arsaattarfissap naammassineqarnissaa suleqatigiit suli oqaatigisinnaanngilaat nunaminertamik akuerineqarnissaq apeqqutaammat.