Qeqertarsuaq aasareerpat ivigaasaaqqanik arsaattarfeqalissaaq

Ivigaasaaqqanik arsaattarfiliassanik tuniniaasartut ulluni makkunani Qeqertarsuarmiipput, atortut naleqqunnerpaat inniminnerneqarnissaat qulakkeerniarlugu. Aviisi AG taama allaaserisaqarpoq.

Allattoq Thomas Munk Veirum

maajip 19-at 2016 07:04

Nutserisoq Sara K. Jakobsen

Polar Seafoodip kilisaataani naalagaq Qeqertarsuarmilu najugaqartoq, Jens Salling, innuttaasut ivigaasaaqqani arsaattalernissaannut periarfissiisuuvoq, taannami 2,5 millionit koruuninik pilersaarusiamut tunniussaqarmat.

- Isumaqatigineqassaqaaq atortut pingaaruteqarluinnartuusut, nunali tamakkerlugu politikerit tulleriiaariineranni illoqarfiit anginerit sisamat salliutinneqartuaannarput. Taamaattumik aalajangersimavugut aningaasaliiniarluta pisortani oqartussat apereqqaanngikkaluarlugit suliniut aallartissinnaaniassammat, Jens Salling AG-mut oqarpoq.

Aamma atuaruk VIDEO Qeqertarsuaq ivigaasaaqqanik arsaattarfittaalersoq

Polar Seafood 500.000 koruuninik suliniummut aamma tunissuteqartoq aviisi allappoq. Arsaattartut nunanit allaneersut Qeqertarsuarmut tikeraarsarneqarsinnaalissasut unammisartullu tassani sungiusaqatigiissinnaalissasut ilaatigut allaaserineqarpoq.

Ivigaasaaqqanik arsaattarfiup aasareerpat piareernissaa naatsorsuutigineqarpoq.