Qeqertaq uligussaajartulersoq

Silaannaap allanngoriartornerata kingunerisaanik immap qaffakkiartuinnarnera peqqutigalugu Papua Ny Geineap qeqertaararpassuisa ilaanni najugallit inuit 1500-t nunaminniit qimaasariaqalersimasut aviisi ikiuiniaqatigiit aviisiat Care taama allaaserinnippoq.
juunip 14-at 2008 13:48

Ukiut 20-t ingerlaneranni qeqertat Carteret qeqertaanik taaneqartartut imartaat ti centimeterimik qaffakkiartorusaarsimavoq taamaalillunilu inuit taakani najugallit inuuniutaannut ajoqusiilluni.

Immap taratsumik akullip nunamut anngunneratigut nunaatit qaqqortariarsuarnik kokosinik naatitsisartut aserorneqarsimapput.

Taakkuuppullu inuit tassani najugallit pingaarnertut inuussutissarsiutigisaat, taamaalillutillu ilaqutariippassuit maanna nerisassarsiutissaarukkamik allamut nutsertariaqalersimasut allaaserineqarpoq.

Inuit 1500-t tassani qeqertami najugallit allanik inissarsissunneqarnissaannik ikiorniarlugit taavani naalakkersuisut 700.000 dollarsinik aningaasaliissuteqarsimapput taamatuttaaq katuullit oqaluffiat illunik qulinik inuit taakku qimaasut atugassaannik tunisisimavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq