Qatsissumi marathoneqataalluni 5-inngorpoq
Arpattartoq Kim Godtfredsen Italiami Brixen Marathonimut ullumi peqataavoq. Kim Godtfredsen 45-t sinnerlugit ukiullit akornanni sukkaniuteqataanermini siulliit apuuttut tallimaralugu apuuppoq. Arpaffiat nunarsuarmi marathonit sakkortunersaattut taaneqartarpoq,
Allattoq Apollo Jeremiassen
juulip 02-at 2011 14:47
Nuuk Marathonimut aggutsip arfernani pisussamut sungiusaatigalugu Kim Godtfredsen Brixen Marathon-imut ullumi arpaqataavoq.
Kim Godtfredsen angutit 45-leereersut akornanni normu 5-ulluni apuuppoq, atorsimallugit 4 timer 8 minutter aamma 48 sekunder.
Brixen Marathonimi apuuffissaaq immamiit 2440 meterisut qatsissusilimmiippoq, tassalu tamanna pillugu arpaffik artornartupilussuusussaassalluni, portunerpaaffia 2.486 meteriulluni. Arpaffik 42 kilometerini 2.340-inik portuseriarneqarpoq, taamaattumillu marathonerluni arpaffinni sakkortunersatut nalilerneqartarluni.
Kim Godtfredsen arpaffimmi aatsaat taama ajornartigisumi arpalluni oqarpoq.
