Qatserisartut umiatsiaatilinnut ikiuupput
DMI-p uuttortagai najoqqutaralugit anorersuaq arfininngormat unnukkut qulingiluanut sakkortunerpaaffimminiikkami sekuntimut 52 meterinik sukkassuseqarpoq.
Qatserisartut aqqaneq marluk umiatsiaatilinnik ikiueqqullugit naalakkerneqarput.
- Umiatsianik annaassiniarnitsinni inuunerput ulorianartorsiortikkipput oqartoqarsinnaavoq. Puttasunut ikaartarfiit kaanngarnaveersimatinniarlugit marlukkaarluta puttasunukartariaqartarpugut, qatserisartoq Karl Larsen taama oqaluttuarpoq.
Siunissami pisussanut assingusunut kommunip piareersimanerunissaa siunertaralugu, Kommune Kujallermi borgmesteri Simon Simonsen iliuuseqarniarpoq.
- Ajornartorsiut isiginngitsuusaarsinnaanngilarput. Taamaattumik kommunip pilersaarutaani tulliuttumi tamanna ilaatinneqartariaqarpoq, borgmesteri oqarpoq.