Qatserisartut Narsami pissartanngorniutissapput
Kujataani qatserisartut ulluni makkunani sungiusarput. Ulluni maajip ulluisa 23-anniit 25-at tikillugu Kujataani qatserisartut Narsami pissartanngorniutissapput.
Allattoq Louise M. Kleemann
Qatserisartut Paamiuniit, Narsamiit, Narsarsuarmiit, Qaqortumiit Nanortalimmiillu peqataassapput.
Illoqarfiit nunaqarfiilluunniit ataasiakkaat tamarmik qatserisartunik arfineq-marlunnik unammisoqassapput. Sakkutuut imarsiortut angallataanni Agpami inuttat qatserisartut saniatigut unamminerup avataani peqataassapput. Taamaalillutik qatserisartut/sakkutuut 40-t sinnillit unammersuarnermi peqataassapput.
Assigiinngitsut marluk unammersuaatigineqassapput. Unammersuaatissat aapparaat qatsereriaaseq, aappaalu arlalikkaarluni pissitassaqarluni arpaliunnerussalluni. Ajugaasut angisuumik pokalinnatsinneqassapput.