Qatigattuup marlunnik tinupanillip saarngi Syriap pingaarnertut illoqarfiata Damaskusip ungasinngisaani nassaarineqarsimapput.
Syriami naalakkersuisut atuagassiaanni Tishrinimit allaaserineqarpoq, qatigattuup saarngi ukiunik 100.000-nik pisoqaassuseqartut.
Qatigattooq saarngisa takutippaat nassaaq 3 meterit missaanik portussuseqarsimasoq, tassa ullumikkut qatigattuut takusartakkatta marloriaataanik angissuseqartoq. Qatigattooq nassaarineqartoq Schweiz-imiut ilisimatuuinit nassaarineqarsimavoq.
Nassaaq tupinnartuuvoq, ilisimatuussutsikkullu mumisitsinerulluni.
- Ukiut 10.000-it matuma siorna Kangiani qiterlermi qatigattooqarsimanersoq ilisimaneqanngilaq, taama ilisimatooq Jean-Marie le Tensorer Basel-ip universitetianerssoq Reutersimut oqarpoq.
- Qatigattooq nagguaatsutut qungasersuutulluunnit angitigisimavoq, taamaattumillu uumasoqarsimanera ilisimaneqarani, Jean-Marie le Tensorer oqarpoq. Saarngit siulliit ukiualuit matuma siorna nassaarineqarput, kingornalu saarngit ilaat, taamalillutik ilisimatuut paasivaat qatigattuup angisuup saanerigai.