Qassutit qaqinngitsuukkat uumasunut ulorianarluinnartut

Pinngortitaq pillugu nunarsuaq tamakkerlugu suliniaqatigiiffik taama nalunaarpoq, naatsorsuutigalugulu danskit imartaanni qassutikorpassuita tonsikkaanik oqimaassusillit nassaassaasut.

Roskilde Universitetimi avatangiisinut ilisimatooq Kristian Schyberg naapertorlugu qassutikut plastikkit sunniutaat ilisimanikippallaarput.

- Ajornartorsiut pillugu misissuisoqarpiarsimanngilaq, ukiuni aggersuni unammilligassaqaqaagut aalajangiunniassagatsigu imartani plastikkinik mingutitsinerit qanoq sunniuteqartiginersut, Kristian Schyberg oqarpoq.

DTU-Aquap misissuisimanerisa ilaanni erserpoq saarulliit 39 procentii ammassassuillu 23 procentii mikroplastikkinik nerisimasut.

Kristian Schyberg isumaqarpoq assersuutigalugu qassutinik utertitsisarneq atorneqartariaqartoq, taamaalilluni qulakkeerneqassammat aalisartut qassutiminnik utertitsiuaannarnissaat.

- Assersuutigalugu umiiarnikunut naatissimallutik aserortileraangata.

- Tusartarparput qassutit naatippata aalisartut kipiinnartaraat. Tamanna pinaveersaarniarlugu Islandimi suliniuteqarsimapput.  Aalisartut qassutiminnik kivisitsiinnartarnerat pinaveersaarniarlugu qassutinik utertitsisarneq Islandimi atorneqalersimavoq. Qassutimik nunamut utertinnissaannut taamaalillutik aningaasatigut kajumissitinneqalissasut,  Kristian Schyberg DTU-Aquameersoq DR-imut oqarpoq.