Qassutaarsiutinik saliineq sumut killippa?

Qassutaarsiutinut saliinermut atatillugu aningaasat qassit atorneqarpat, kikkut aningaasaleeqataappat, qassutaarsiutit ningittagaarsiutillu qanoq amerlatigisut qaqinneqarpat kiisalu qaleralinniarnerup matoqqatitaanerani aalisartunut suliffissarnullu qanoq aningaasanngorlugu annaasaqaataaffiuva? Apeqqutit taamaattut Aalisarnermut piniarnermullu naalakkersuisumut akisassanngorlugit Hans Enoksenimit apeqquteqaatigineqarput.

Uummannap Upernaviullu eqqaanni qassutaarsiutit ningittangaarsiutillu ningittagarsortunut ajornartorsiutaarsarsimapput. Tamaanilu qassutaarsiutit ningittangaarsiutillu katersornissaannut aalisartut ikiuuteqataanissaat Aalisarnermut piniarnermullu naalakkersuisoqarfimmit kissaatigineqarpoq, aalisartullu ikiuuteqataasinnaappata qaleralittassiissutit amerlineqarnissaat naalakkersuisunit neriorsuutigineqarpoq. Maannalu pisassiissutit ilaqqinneqareeraluartut Hans Enoksen paragraffi 36 naapertorlugu apeqquteqaateqarpoq.