Qassusersorluni qaleralinniarneq unippoq
Upernaviup eqqaani sinerissap qanittuani qaleralinniarnermut pisassiissutaasut siulliit 6.000 tonsit aalisarneqareerput.
novembarip 24-at 2010 08:21
Taamaalilluni qassutinik qaleralittanut tunisisinnaaneq kingulleq ullumi pingasunngornermi novembarip 24-ani pissaaq.
Pissassiissutit sinneri 500 tonsiusut ningittakkanik taamaallaat aalisarneqarsinnaasut, Kalaallit Nunaanni Aalisarsinnaanermut Nakkutilliisoqarfik tusagassiuutinut nalunaarummini allappoq.
