Qassiarsuk takornarissanit ornigarneqarluarpoq

Qassiarsuk eqqaalu takornarissanit ornigarneqarluartarpoq. Takornariarpassuit 90–it 100-jullu missaat ulluni makkunani tikittarput. Ilaat tupilisartut, ilaat ulluni arlaqartuni tikeraarniat ilaallu ulluinnartut.
Allattoq Louise M. Kleemann
juulip 08-at 2008 12:10

-Ila nunarsi tupinnartorujussuuvoq kusanangaarami uppernanngingajappoq, takornarissat ilaat oqarpoq.

Maannakkorpiaq takornarissat Qassiarsummut titittartut agguaqatigiisillugit ullormut 90-100-t missaanniittarput. Takornarissat ukiumut 3000-t misaannik amerlassuseqartartut tikittarput.

Islandimioq Ingabjørk Gisledottir qallunaatsiaat pillugit Qassiarsummi takornarissanut paasissutissiisartuuvoq. Taassuma qallunaatsiaat nalaat taavalu nunatsinniit peerunnerisa missaat tikillugu oqaluasaarutigisarnerarpaa tamannalu ingerlanneqartarpoq qallunaatsiaat illorsuat assilillugu illorsualiap iluani qallunaatsiaat atisarisarsimasaattut ittunik atisaqarluni.

Takornarit amerlanersaat europap avannaaneersuunerarpai, kisianni amerliartuinnartut Japanimiit, amerikamiit aamma Hong Kongimiit tikittarput.

Ingabjørk Gisledottir Narsap Katersugaasiviata qallunaatsiaat pillugit oqaluppalaartartoralugu atorfeqartitaraa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq