Qasilitsumik serparsaat politiit atortariaqarsimavaat
Angutit marluk imminnut silami paasut Sisimiuni politiinit ukiortaamut unnuaani tigusarineqarput.
- Pineqartulli aappaata politi toqqusassisimavaa tigusariniarnerannilu qasilitsumik serparsaat atorneqartariaqarsimalluni, taama KNRimut oqaluttuarpoq Sisimiuni politiini ulluinnarni aqutsisoq Karl Jørgen Lennert.
Qatanngutigiit taakku eqqartuussivimmut sassartinneqareerput aappaa ulluni arfineq marlunni aappaalu ulluni 14-ini tigummigallagassanngortinneqarlutik.
Ukiortaarsiornermi imigassartorsimalluni billertoq politiinit aamma unitsinneqarsimavoq angerlarsimaffinnilu eqqissiviilliornerit arfineq pingasut orniguffigineqarsimallutik.
Aammattaaq Minngortuunnguup Atuarfia annertuumik aserorteriffigineqarsimavoq igalaat 19-it aserorneqarsimallutik. Atuarfik taanna marloriarluni aserorteriffigineqarsimavoq ullualuinnarnik akunnilinnik.
- Qujanartumik inuttaasunit saaffigineqarsimavugut aamma aternik pissarsivugut paasiniaanermi atorsinnaasatsinnik. Kisianni suli allanik paasissusitissaateqartoqaruni saaffiginninnissamut tikilluaqqusaakutsoorput, taama Karl Jørgen Lennert oqarpoq.