Qasigiannguani Efterskole pillugu Tommy Marø malersorneqarsinnaanngilaq
Qasiginnguit Efterskoliannut 11,5 millioni koruuninik ilassutitut aningaasaliinerit pillugit suliami naalakkersuisut pinngitsuutinneqarput, Kultureqarnermut naalakkersuisoq Tommy Marø inatsisitigut malersinneqarsinnaanngimmat.
Allattoq Jaaku Lyberth
apriilip 30-at 2009 10:34
Professori Ole Spiermann arlaannaannulluunniit attuumassuteqanngitsumik aningaasaliineq pillugu misissuivoq, naalakkersuisullu inatsisitigut malersorneqarsinnaannginnerat misissuinermini inerniliussarai.
Taamaattoq Namminersornerullutik Oqartussani atorfillit isornartorsiorneqangaatsiarput. Aningaasaqarnermut Nunanullu Allanut Naalakkersuisoqarfimmi atorfillit Kultureqarnermut, Ilinniartitaanermut. Ilisimatusarnermut Ilageeqarnermullu Naalakkersuisoqarfimmi atorfillit suleqatigiilluarsimanngitsutut nalilerneqarput.
