Qasigiannguani toqutsineq: 17-inik ukiulik killisiorneqarpoq

Qasigiannguani ippassaq sapaammi aallaasersortoqarnerani angut 61-inik ukiulik toqutaavoq. Angut 17-inik ukiulik tamatumunnga atatillugu tigusaq inuarsimasutut pasineqarluni unnerluutigineqartoq, Sermitsiaq.ag allappoq.
Kalaallit Nunaanni Politiit Qasiagiannguani misissuinerminni ikiortiserinnipput. Assi © : Kathrine Kruse
Allattoq Hanna Vestergaard Hviid
decembarip 12-at 2022 10:32

Qasigiannguani angut 17-inik ukiulik Kalaallit Nunaanni Politiivinit arfininngormat tigusaavoq. Angut taanna Qasigiannguani illoqarfiup qeqqani aallaasersorsimasutut pasineqarpoq.

Angut 61-inik ukiulik toqutsigisaminik aallaasersortoqarnerani eqqorneqarpoq.

AAMMA ATUARUK Qasigiannguani allaasersortoqarmat angut 61-inik ukiulik toquvoq

Tigusaq eqqartuussivimmut kingusinnerpaamik ullumi ataasinngornermi sassartinneqarluni killisiorneqassangatikkitsik, politiit ippassaq sapaammi nalunaarput.

17-inik ukiulik ullaaq nalunaaqutaq qulingiluanut sassartinneqarluni killisiorneqartoq, Kalaallit Nunaanni Politiit Sermitsiaq.AG-mut oqarput.

Angut taanna inuarsimasutut pasineqarluni unnerluutigineqarpoq.

Kalaallit Nunaanni Politiit Aasianni Ilulissanilu politiit pinerluttoqarsimaneranillu misissuisartut Danmarkimeersut misissuinerminni ikiortiseraat.

Aamma atuaruk