Qasigiannguani allaasersortoqarmat angut 61-inik ukiulik toquvoq
Kalaalit Nunaanni politiit ullaap tungaa qulingiluanut tanneq qulinngortoq nalunaarfigineqarput Qasigiannguani angut 17-inik ukiulik illoqarfiup qeqqani arlaleriarluni aallaammik eqqaassisoq.
Politiit aallasersorfiusumut anngummata politiit ilisimannittunit oqaluttuunneqarput, aallasersortoqarnerani inuk ataaseq eqqorneqartoq taannalu Qasigiannguani napparsimmaviliaanneqartoq.
Politiit allaasersortutut pasineqartup najugaqarfianukarput, pasineqartorlu annertuuliorfiunngitsumik tigusarineqartoq, politiit tusagassiuutinut nalunaaruteqarlutik taama allapput.
Aallaasersortoqarnerani angut 61-inik ukiulik eqqorneqarpoq, aallaasersorfigineqarnermilu kingorna toqulluni, peqqinnissaqarfik taama paasissutissiivoq.
- Pasineqartoq tigusarineqarpoq, kingusinnerpaamillu aqagu ullup qeqqata siorna sassartinneqarluni killisiorneqarnissaa naatsorsuutigaarput, pinerluttoqarsimaneranik paasiniaasartut pisortaat Lars Bjerregaard oqarpoq.
-Pinerluttoqarsimaneranik paasiniaanermi Qasigiannguani politiinut ikiuuttussanik, Aasiannit Ilulissanit kiisaslu Danmarkimi pinerluttoqarsimaneranik paasiniaasartunik tikisitsinissaq maanna sulissutigaarput, Lars Bjerregaard oqarpoq.
Allaasersortoqarnerata kingorna maanna ulorianartorsiortoqanngitsoq Kalaallit Nunaanni politiit nalilerpaat maannalu kommunemi oqartussat qinnuivigineqarput, aallasersortoqarnerani takunnittunut oqaloqateqarnissamik pisariaqartitsisunik upalungaarsimasuutitanik pilersitseqqullugit.