Qasigiannguani angut toqutseriartoq tigusarineqartoq
Kalaallit Nunaanni politiit navianartunut orniguttartunik sisamanngornermi Qasigianngunukartitsipput, angutip toqutseriarnermut peqataasimasup tigusarineqarnissa pillugu.
Allattoq Thomas Munk Veirum, Jaaku Lyberth
Kalaallit Nunaani Politiit Facebookimi taama allapput.
- Kalaallit Nunaani politiit ullumi sisamangornermi navianartunut orniguttartunik Qasigiannguartitsipput angutip navianaatilittut nalilerneqartup tigusarineqarnissaa pillugu.
Politiit oqarnerat naapertorlugu angut pineqartoq toqutseriarnermut peqataasimavoq aammalu pinerlineqartumut peqqarniitsumik nakuusersimalluni kiisalu pinerlineqartoq toqunniarlugu sioorasaarsimallugu pisoq politiinut nalunaarutigissappagu.
Taakku saniatigut pinerluttup politiit sioorasaarsimavai. Angut pineqartoq unnummut tigusaavoq. Qasigiannguani politiit suliaq maanna misissorpaat.