Qarsutsinissaq europami upalungaarsimaffigineqarpoq
marsip 31-at 2006 10:10
Europap qiterpasissuani siallerujussuaqattaarnerani aputillu aannerani kuuit erngi qaffakkiartuinnarput.
Tjekkiami Tysklandimilu oqartussaasut upalungaarsarput, taamaattorli 2002-misut annertutigisumik kuuit qarsutsinissaat ilimagineqarani.
Tjekkiami nunap immikkoortuini marlunni qarsutsinerni eqqugaasut naalakkersuisut 100 mio. kr.-nik ikiorserpaat, maannakkorpiarlu nunap sinnerani ernumanartoqannginnerarlugu.
Tjekkiami qarsutsinerit inuit sisamat inuunerinik akeqarsimavoq. Pingasut ipisimapput ataaserlu annaanniarneqarnermini uummalliorluni toqusimalluni. Slovakiami inuit marluk ipisimasut nalunaarutigineqarpoq.
