Qarmaasunik ilinniartitsisoqalersinnaavoq

Kangerlussuarmi marrarmik 80 tonsimik upernaaq Danmarkimut nassitsisoqarpoq, kingornalu marraq 16.000-inngorlugu qarmasissiarineqarluni. Qarmasissiornerup kingunereratarsinnaavaa nunatsinni sanaartornermik ilinniarfiup ilinniakkamik nutaamik aallartitsineranik.

Ukiamut sanaartornermik ilinniartitaanerup iluani susassareqatigiit ilinniartitaanermut tunngatillugu isumasioqatigiissapput, tassungalu tunngatillugu Torben Jürgensen ima nassuiavoq:

-Sanaartornerup iluani ilinniartitaanerit tamarmik sammineqartussaapput, inuussutissarsiornermi susassaqartuniit pisortaqarfinniillu nalillerneqassalluni suut ilinniartitaanerit piorsarneqassanersut, taakkununngalu ilaalluinnarpoq issittumi qarmaasutut ilinniarneq. Ilinniartitaanerup tunngavigaa kalaallit nunatsinni annertunerusumik qarmasissiat atorlugit sanaartulerneq. Marraq nunatsinni pigineqarerpoq. Ajornartorsiutaasinnaasoq tassaavoq sumi marraq ikuallanneqassanersoq, Danmarkimummi nassitsisarneq akisuupilussuuvoq, Torben Jürgensen oqarpoq.

Assartuussinerup akisunerata sumi qarmasissiorfissap inissinneqarnissaanik aalajangiisuunera Torben Jürgensenip pingaaruteqarnerarpaa. Naatsorsueqqissaartarfiup nalunaarutai naapertorlugit nunatsinni sanaartorfiunerpaapput nunatsinni illoqarfiit inoqarnerit. 2005-imi sanaartukkat affaat nuummi pipput.