Qarasaasiat oqarasuaatillu Kalaallit Nunaannut eqqussukkat amerliartuinnavipput
Kommunit batteriikunut atortukunullu innaallagiatortunut mikisualunnut ikioraavissanik niuertarfinni ersiinnartunilu ulluni makkunani inissitsiterileruttorput.
Kalaallit Nunaanni naatsorsueqqissaartarfiup kisitsisaatai naapertorlugit qarasaasiat oqarasuaatillu 30 tonsingajaat 2004-mi tikisippavut, tamakkualu 2005-imi 32 tonsinut amerleriarput. Kisitsisit ersersippaat tamakkunannga eqqussukkavut ukiut tamaasa amerliartuinnavissut.
Atortorissaarutit innaallagiartortut, annerusumik tassaasut qarasaasiat, atortorissaarutillu taakkununnga tunngasut, minnerunngitsumillu oqarasuaatit angallattakkat, sananeqaatinit assigiinngitsorpassuarnit katitigaasarput. Tamakkua ilagaat saffiugassat oqimaatsut kviksølv, aqerloq, cadmium aamma krom kiisalu saffiugassat akisuut aamma akorineqartarput, soorlu kuulti, platin, kanngussak alumiiniulu. Aamma ikuallannaveersaarutitut bromerikkat aamma pcb aamma pvc, avatangiisinik qanitatsinnik innarliisinnaasut.
