Qarasaasiaq atorlugu pinnguaatit utoqqarnit aamma nuannarineqarput
Utoqqaat qarasaasiamik atuinissamut ilikkarnissaminnik soqutiginninnerat annertunerulersimasoq, Danmarkimi utoqqaat peqatigiiffianni Ældre Sagenimini maluginiarneqarpoq, taamatullu Danmarkimi naatsorsueqqissaartarfimmi kisitsisit takutippaat utoqqaat amerliartortut qaraasaasiamik atuisartuusut.
Utoqqaat qarsaasianik atuinissaminnut soqutiginninnerat meeqqamik ernuttamillu atuisarnerannit sunnertinnerusoq, utoqqaat peqatigiiffianni Ældre Sagenimi siunnersorti Olva Felbo oqarpoq.
Utoqqaat qarasaasiaq atorlugu pinnguaatinik atuisut amerliartornerat amerikami misissuinermit uppernarsineqartoq, qarasaasiat atorlugit pinnguaatinik immikkut ilisimasalik Anne Mette Thorhaue oqarpoq.
- Qarasaasiakkut pinnguaatit soqutigineqartorujussuanngorput, Anne Mette oqarpoq, utoqqaat siornatigut aviisini kryds og tværsinik sodukonillu aliikkutaqartaraluarput, Anne Mette oqarpoq.
Arnaq 64-inik ukiulik oqaluttuarpoq nammineq ullormut akunnerit marluk aqqaneq-marlullu akornannik sivisutigisumik qarasaasia atorlugu pinnguaatinik aliikkutaqartarluni.
